Sini Fründe säged ihm meischtens 'Mäse'.

Aber: Sobald er sis Studio oder e Bühni betritt isch er as ganz anders Biest, e Kreatur bekannt under eme andere Name.

FUSSLER.

Bewaffnet mit kunterbunter Kreativität, es paar gnauso talentierte Lüüt um sich ume, und ere Liideschaft wo nur vo wenige übertroffe wird, het er's gschafft en Sound z'kreiere wo mitriissend und unverwechselbar isch.

Die Einzigartigkeit chunnt klar vo sim Wunsch, sini Musig und vilicht au grad no s Rad konstant neu z'erfinde. Öb mit sim klare Skill am Drum, sim Ohr für geili Melodiie oder sine intelligente Text, wo au e gueti Priise Humor nie fehlt - sini Persönlichkeit findet ihre Weg i sis Handwerch, und id Chöpf & Härze vo sine Zuehörer.

Indem er's schafft, de Grat zwüsched clean & grungy, philosophisch & humorvoll, Ohrwurm & Unikat irgendwie entlang z'wandere, isch Begeischterig bi jedem neue Song wo em FUSSLER sinere Federe entspringt fascht garantiert.